Creada a partir dun material atopado nunha dixitalización que fallou dun antigo manuscrito. O glitch dixital converte o texto nalgo inintelixible. O que escoitamos é unha lectura dixital desas páxinas, tamén inintelixible. [ × ]
Xerada a partir dun son de datos do cometa Rosetta. O que vemos son os datos de audio convertidos nunha imaxe sen usar ningún proceso de visualización aleatoria, simplemente mantendo un formato de ficheiro como outro [ × ]
Xerada a partir dunha chamada artística usando procesos de data blending, como un comentario irónico sobre as obras creadas específicamente para participar en chamadas. [ × ]
“Komorebi” é unha palabra xaponesa intraducible que significa “os raios do sol que se filtran entre as follas das árbores”. Inspirado nun xornal do artista Brion Gysin no que explicou que tivo unha experiencia psicodélica viaxando por un día soleado nun autobús por unha estrada boscosa. [ × ]
“Streetwalker”, literalmente “camiñante da rúa”, é unha palabra inglesa que se traduciría como “prosituta”. Antigamente, unha muller que camiñaba soa na rúa só podía significar unha cousa, que estaba a prostituírse. [ × ]
O título refírese a un antigo manuscrito sobre a historia do cine que nunca foi publicado. Algunhas reflexións de luz nunha parede fainos recordar de que o cine é a arte da sombra, do que vemos sen estar presente. [ × ]
Unha noite de tormenta. Non obstante, o que escoitamos non é o verdadeiro son da tormenta, son os fotogramas da película, unha tradución das imaxes – o espazo xeográfico – en son – o espazo emocional, referíndose a un espazo do crepúsculo entre a conciencia e a inconsciencia. [ × ]
Unha infinidade de cores e fomras xeométricas que recordan aos cineastas dunha época pasada. Unha película que conta cun intenso efecto estroboscópico. [ × ]
Inspirada nas películas experimentais con son óptico nas que os cadros tamén xeran a banda sonora. As imaxes son simplemente unha iluminación de lámpadas que se encenden e apagan. O son encontrase almacenado como un ficheiro de audio. [ × ]
A nosa percepción está fragmentada, nunca temos a percibir a imaxe completa, xa que o mundo e mesmo nós encontramonos nun cambio constante, a toda velocidade. Só confiamos nos pequenos fragmentos da realidade que mais vemos [ × ]
O termo alemán Hinterland significa “a terra detrás”. Tamén se usa en inglés con diferentes significados, todos eles relacionados con espazos que rodean ou están detrás doutros espazos. Aquí, un refirese á mesa de traballo feita dentro dun espazo antes da película. Construída a partir de 3.669 fotos dunha mesa [ × ]
Un día pregunteime se era posible crear unha película materialista usando medios dixitais. Tirei unha foto sen sacar a tapa da cámara dixital. A foto era completamente negra, pero aumentando o brillo ao máximo, os píxeles mortos eran de cores azuis e brancos. Repetín a mesma operación unha e outra vez ata que se encheu a tarxeta de memoria (7.669 fotos). O resultado é un bucle hipnótico que recorda a un ceo estrelado, moi diferente dos experimentos materialistas que se atopan no cine. [ × ]
Animación abstracta baseada no modelo de cores RGB (as cores básicas da luz). As formas móvense e solapanse nun baile intermitente que amplía os límites da pantalla e xera efectos entópicos; efectos visuais cuxa fonte son os nosos propios ollos. [ × ]
O silencio é un buscavidas. O caos é ouro e as pálpebras ven. Pero cando vexo, marcho. Como vou? Como vexo? Con calma. Aínda as pálpebras. Aínda douradas. Aínda vexo. Como aínda vexo? Pero cando vexo, aínda estou. Aínda o caos. [ × ]
Psicose (1960) dirixida por Alfred Hitchcok e Psicose (1998) dirixida por Gus Van Sant chocan nun cadro por cadro que asalta os globos oculares e asasina a conciencia reguladora do espectador. [ × ]
