AulaCREA

Actividade formativa centrada en aspectos de dirección.

Territorio de memoria

Sendo o concepto de memoria un dos eixes centrais, se non o principal, do traballo de Daniel Blaufuks, nesta masterclass convídanos a reflexionar co autor, a través da súa traxectoria e obra, sobre as nocións duais de público e privado, colectivo e persoal, latentes no seu traballo en relación coa súa historia particular e a historia xeral.

Tendo como punto de partida as películas presentes en Intersección, Daniel Blaufuks evidenciará os baleiros e interrogantes que no seu traballo deixa sempre entreabertos de modo que nós, os interlocutores, sexamos elementos activos ao recoñecernos nas nosas propias lembranzas.

Establece desta forma un xogo de relacións sutís, a modo Warburgariano, entre as súas referencias e as nosas, que nos introducirán a Territorio de Memoria, como campo arqueolóxico fértil no cal, con cada achado, debemos estar dispostos a meditar sobre o transcurso do tempo en relación co momento presente, anticipando como situarnos ante o futuro