Belén Montero e Juan Lesta

Foco DSK

Foco DSK

Belén Montero e Juan Lesta

A traxectoria dos directores, produtores e creativos fundadores do colectivo DSK é tan extensa como variada, pero, aínda que teñen traballado en numerosos xéneros e formatos, a experimentación e o son sempre teñen unha importancia especial na súa obra, que permaneceu (durante os seus anos de actividade) en movemento constante. Este movemento ás veces é frenético, exaxerado, e ao través da repetición ou a velocidade desprégase en toda clase de xogos audiovisuais: xogos de palabras, de imaxes,  xogos de corpos e coreografías, xogos de vestiario, xogos de humor e de crítica. Exercicios para xogar a pensar.

Interseccion - DSK

M09

vídeo SD | cor | son | 3 min | 2000

Fluído eléctrico, fonte de industria e de vida. Dominado por conmutadores e interruptores facilita a comodidade a millóns de persoas en todo o mundo. “Le as instrucións de uso”.

Interseccion - DSK

Vida

vídeo HD | cor | son | 6 min | 2017

Videopoema Colectivo resultante do live-cinema acontecido na preestrea do documental “Versogramas” (20 de decembro de 2017, A Coruña). O poema está elaborado a partir de versos enviados por unha parte dos e das mecenas do documental, e este videopoema é unha das recompensas ofrecidas na campaña de micromecenado do mesmo.

Interseccion - DSK

Twin Power

vídeo SD | cor | son | 3 min | 2003

Dúas persoas bailan en Barcelona ao ritmo que lles marcan os rañaceos. Os acontecementos do 11 de setembro de 2001 introducíronnos no verdadeiro século XXI.

Interseccion - DSK

Crépitation

vídeo SD | cor | son | 4 min | 2002

A Galicia rural do 2002 é unha mestura de imaxes bucólicas de verdes paisaxes, ríos limpos, animais en liberdade… con imaxes do progreso que contrastan drasticamente. Vídeo creado para o tema de Ápeiron (Ourense) titulado “Crépitation” do álbum “Todo sigue intacto” para a discográfica de Barcelona Foehn Records.

Interseccion - DSK

O tempo perdido

vídeo SD | cor | son | 16 min | 2001

Persoas relacionadas co mundo artístico fan unha interpretación persoal dos versos illados dunha poesía. Amósannos imaxes, ou sons… interpretan… que é “a cidade e o mundo”? Que é “a habitación”? Que son as que “se reducen a cárceres de tempo”? Son os sentimentos que provocou a reflexión das sinxelas frases dunha poesía. Ao final recomponse a poesía para falarnos do tempo, de onde o perdemos.

aTienda

Interseccion - DSK

Anuncio Backup analógico

vídeo HD | cor | son | 1 min | 2008

Interseccion - DSK

Anuncio Backup analógico

vídeo HD | cor | son | 1 min | 2008

Interseccion - DSK

Anuncio Camiseta

vídeo HD | cor | son | 1 min | 2008

Canal “teletenda” moi persoal do proxecto “codeco”, no que se presentan tres dos produtos que se poñen ao servizo do usuario ao través do sitio web codeco.org/atienda: o “software bin2pdf”, as “camisetas a punto de cruz”, e o “Antivirus codeco aT”. Inclúe unha mostra do blog alusivo aos produtos, onde os usuarios poden deixar as súas suxerencias, críticas e loanzas con obxecto de superación nas posteriores versións do deseño industrial da liña de venta ao público. “Codeco” persegue a total practicidade do produto ademais da estética propia. Estes vídeos están dispoñibles no canal de venta do proxecto codeco na web codeco.org

Interseccion - DSK

Morphing

vídeo HD | cor | son | 3 min | 2006

O “morfing” é unha espectacular técnica dixital de animación na que os elementos que aparentemente nada teñen que ver transfórmanse o un no outro diante dos nosos ollos. Este vídeo parte da peza “Homo-Felis”, na que se creou de xeito físico cada un dos fotogramas dun morfing entre un gato e un humano. O resultado consiste na reconstrución mediante técnicas de animación tradicional deste “morfing” entre o humano e o gato.

Interseccion - DSK

Miro la vida pasar (videoclip for Fangoria)

vídeo SD | cor | son | 4 min | 2004

Videoclip do segundo single do CD “Arquitectura efímera” de Fangoria. Protagonistas impertérritos nun transcorrer temporal inexistente. Noutro plano da vida habita un soño ao alcance do cotián. Realidade a onde tamén van os bos amigos.

Interseccion - DSK

Square Religion

vídeo HD | cor | son | 3 min | 2014

O píxel tridimensional é unha unidade complexa de materia palpable inerte con núcleo e envoltura. Sen embargo, evolucionou para desenvolver o seu código en estruturas de repetición fractais regulares e dar vida á variedade tecnolóxica que se dispersa cara aos confíns do infinito.

Interseccion - DSK

Vide

vídeo HD | cor | son | 2 min | 2014

Vídeo creado coa luz solar, espellos e retallables… efectos de luz analóxicos que reflicten o espectáculo do non ser para ser de todo: a luz que se transforma en imaxe-mensaxe.

Interseccion - DSK

Pedra e auga

vídeo HD | cor | son | 4 min | 2012

Peza creada para formar parte da exposición “Gallaecia Petrea”.

Interseccion - DSK

Estiven en Galicia e lembreime de ti

vídeo SD | cor | son | 6 min | 2006

“Estiven en Galicia e lembreime de ti” é un experimento de coreografía en directo xerada en tempo real, onde se reinterpreta a imaxe turística tradicional galega en clave ironico-crítica. Este sistema foi desenvolto para integrar as imaxes en máis cidades, como Lisboa, Barcelona ou Santiago de Compostela, e pode prepararse para calquera outra, adaptando as coreografías ao tipo de música en directo. Percórrense cada unha das localizacións típicas galegas, diante das que se interpreta unha coreografía.